Hailstorm Alert : मराठवाडा, विदर्भात पाऊस, गारपिटीचा 'ऑरेंज अलर्ट'

Hailstorm Alert : मराठवाडा, विदर्भात पाऊस, गारपिटीचा 'ऑरेंज अलर्ट'
राज्याच्या विविध भागात वादळी वारे, पाऊस, गारपिटीने तडाखा दिला आहे. आज (ता. २८) राज्यात वादळी वाऱ्यासह पावसाची शक्यता आहे.

Weather Update Pune राज्याच्या विविध भागात वादळी वारे, पाऊस, गारपिटीने (Hailstorm) तडाखा दिला आहे. आज (ता. २८) राज्यात वादळी वाऱ्यासह पावसाची शक्यता (Rain Forecast) आहे. मराठवाडा आणि विदर्भात वादळी वारे, जोरदार पाऊस, गारपिटीचा 'ऑरेंज अलर्ट' देण्यात आला आहे. कमाल तापमानातील चढ-उतार कायम राहण्याची शक्यता हवामान विभागाने (Weather Department) वर्तविली आहे.

पश्चिम विदर्भापासून, मराठवाडा, उत्तर अंतर्गत कर्नाटक ते उत्तर तामिळनाडूपर्यंत समुद्र सपाटीपासून १.५ किलोमीटर उंचीवर हवेचा कमी दाबाचा पट्टा व खंडीत वाऱ्यांची स्थिती कायम आहे. पश्चिम विदर्भात समुद्र सपाटीपासून १.५ किलोमीटर उंचीपर्यंत चक्राकार वाऱ्यांची स्थिती वरील प्रणालीत विरून गेली आहे. नैर्ऋत्य राजस्थान आणि परिसरावरील चक्राकार वाऱ्यांची स्थिती निवळली आहे.

 मध्य महाराष्ट्र, मराठवाड्यासह विदर्भाच्या विविध भागात वादळी पाऊस आणि गारपिटीचा दणका सुरूच आहे. आज (ता. २८) मराठवाड्यातील छत्रपती संभाजीनगर, जालना, बीड, परभणी, हिंगोली, नांदेड, तर विदर्भातील अमरावती, यवतमाळ, नागपूर, भंडारा, गोंदिया जिल्ह्यात गारपीट आणि जोरदार वादळी पावसाचा 'ऑरेंज अलर्ट' देण्यात आला आहे. उर्वरित राज्यात ताशी ३० ते ४० किलोमीटर वेगाने वाहणाऱ्या जोरदार वाऱ्यासह, वादळी पावसाचा इशारा हवामान विभागाने दिला आहे.
पावसाची हजेरी, ढगाळ हवामान यामुळे राज्याच्या कमाल तापमानात चढ-उतार होत आहे. मात्र उन्हाचा चटका आणि उकाडा कायम आहे. गुरूवारी (ता. २७) सकाळपर्यंतच्या २४ तासांमध्ये जळगाव येथे राज्यातील उच्चांकी ३९.६ अंश सेल्सिअस तापमानाची नोंद झाली. कोकण वगळता राज्यात बहुतांश ठिकाणी कमाल तापमान ३५ ते ३९ अंशांच्या दरम्यान आहे. कमाल तापमानात चढ-उतार कायम राहण्याची शक्यता आहे.

Hailstorm Forecast : मराठवाडा, मध्य महाराष्ट्रात गारपिटीचा 'ऑरेंज अलर्ट'


गुरूवारी (ता. २७) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३६.७ (२१.२), जळगाव ३९.६ (२३.३), कोल्हापूर ३५.२ (२२.७), महाबळेश्वर २९.१ (१७.१), नाशिक ३६.७(२१.२),

निफाड ३७.४ (२०.१), सांगली ३६.४ (२२.४), सातारा ३६.३ (२०.६), सोलापूर ३८.२ (२४.२), सांताक्रूझ ३३.३ (२५.२), डहाणू ३६.२ (२४.४), रत्नागिरी ३३.१ (२४.२),

छत्रपती संभाजीनगर ३५.६ (२०.६), नांदेड ३७.४ (२१.६), परभणी ३८.३ (२१.०), अकोला ३७.० (२०.३), अमरावती ३५.४(१८.१), बुलढाणा ३४.८ (१९.३), ब्रह्मपूरी ३७.० (२०.०),

चंद्रपूर ३६.२ (१९.६), गडचिरोली ३५.२(२०.०), गोंदिया ३४.६ (२२.१), नागपूर ३३.९ (१९.४), वर्धा ३५.२(१८.६), यवतमाळ ३६.० (१६.५).

 

वादळी पाऊस, गारपिटीचा इशारा (ऑरेंज अलर्ट) :

नाशिक, नगर, पुणे, परभणी, हिंगोली, नांदेड.

वादळी पावसाचा इशारा (येलो अलर्ट) :

कोकण : पालघर, ठाणे, रायगड, मुंबई, रत्नागिरी,

मध्य महाराष्ट्र, : नंदूरबार, धुळे, जळगाव, सातारा, सोलापूर, कोल्हापूर, सांगली.

मराठवाडा : छत्रपती संभाजीनगर, जालना, धाराशिव, बीड, लातूर.

विदर्भ : बुलढाणा, अमरावती, वाशीम, अकोला, वर्धा, यवतमाळ, नागपूर, भंडारा, गोंदिया, चंद्रपूर, गडचिरोली.